စုံတွဲတွေနမ်းရင် အလိုအလျှောက် ဆဲလ်ဖီးရိုက်ပေးမယ့် Google Pixel 3

စုံတွဲတွေနမ်းရင် အလိုအလျှောက် ဆဲလ်ဖီးရိုက်ပေးမယ့် Google Pixel 3 google

Google က 2018 ခုနှစ် နှောင်းပိုင်းမှာကြေညာခဲ့တဲ့ Pixel 3 ရဲ့ ကင်မရာဟာ အရမ်းကိုလန်းပါတယ်။

ဂူဂယ်ကနမ်းရင်အလိုလိုသိပြီး ဆဲလ်ဖီးရိုက်ပေးမယ့် လုပ်ဆောင်ချက်ပါတဲ့ Shutter-free Photobooth Mode ကို အဲဒီအချိန်တုန်းကကြေညာခဲ့ပါတယ်။

အဲဒီလုပ်ဆောင်ချက်က အတွဲတွေရိုမန့်တစ်ဆန်ဆန် နမ်းနေတာကို အကောင်းဆုံးဖမ်းယူပေးမှာပါ။ ခလုတ်နှိပ်စရာမလိုတဲ့အတွက် အလွန်ကိုအဆင်ပြေပါတယ်။

အခုတော့ အဲဒီလုပ်ဆောင်ချက်ကို Photobooth မှာထည့်သွင်းပေးလိုက်ပါပြီ။ ဒါ့အပြင် ကင်မရာဟာ ငြိမ်နေပြီးလူတွေရဲ့ မျက်နှာအမူအယာဟာ ဓါတ်ဖမ်းဖို့ အဆင့်သင့်ဖြစ်နေတာကိုလည်း Google AI က သိလာပြီးအလိုလိုဓါတ်ပုံများ ရိုက်ကူးပေးနိုင်လာပါတယ်။

Google Pixel 3 မှာ Camera App ထဲသွားပြီး More ထဲကိုသွားပါ။ Photobooth ကို On ပြီး အသုံးပြုနိုင်ပါပြီ။ Star-marked Shutter Button ကိုနှိပ်ပါ။ ပြီးရင် ငြိမ်သက်စွာဖြင့် ဓါတ်ဖမ်းဖို့ ပို့စ်ပေးလိုက် တာနဲ့ အလိုလိုဓါတ်ပုံများရိုက်ကူးပေးမှာ ဖြစ်ပါတယ်။

စကရင်ရဲ့အထက်မှာ အဖြူရောင်ဘားတန်းငယ်လေးကိုလည်း ပြသထားပါတယ်။ မျက်နှာကိုအပြည့်အ၀ မြင်ရတဲ့အခါမှာ ဘားတန်းဟာအပြည့်ဖြစ်သွားပြီး ဓါတ်ပုံရိုက်ပေးပါတယ်။

မျက်နှာကိုကောင်းစွာ မမြင်ရရင်တော့ ဘားတန်းဟာတိုနေပြီး ဓါတ်ပုံရိုက်ပေးမှာမဟုတ်ပါဘူး။ ဆော့ဖ်ဝဲက မျက်နှာကို အာရုံခံနိုင်မှုကို ပြသထားတာဖြစ်ပါတယ်။

Photobooth Mode ကို လက်ရှိမှာ Pixel 3 မှာသာထည့်ထား ပေးပါတယ်။ Camera App Version 6.2 ကို ဒေါင်းလုပ်လုပ်ပြီးသင့် Pixel Device မှာထည့်သွင်း၍ သုံးလို့ ရ၊ မရစမ်းသပ်နိုင်ပါတယ်။

 

Read more:  2019 week (15 ) ၏လူကြိုက် အများဆုံး စမတ်ဖုန်း ၁၀ လုံး

Read 161 times
Rate this item
(0 votes)