တင်ဒါအောင်မြင်ခဲ့ကြသည့် ဆက်သွယ်ရေးအော်ပရေတာ (၂)ဦးနှင့် လုပ်ငန်းစာချုပ်လက်မှတ်ရေးထိုး

တင်ဒါအောင်မြင်ခဲ့ကြသည့် ဆက်သွယ်ရေးအော်ပရေတာ (၂)ဦးနှင့် လုပ်ငန်းစာချုပ်လက်မှတ်ရေးထိုး google.com
ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေးညွန်ကြားမှုဦးစီးဌာနသည် ဆက်သွယ်ရေးဥပဒေပုဒ်မ (၅၄) ပါ ပြဋ္ဌာန်းချက်နှင့်အညီ အများပြည်သူအကျိုးငှာ
နေရာဒေသမရွေး အခြေခံဆက်သွယ်ရေးလိုအပ်ချက် ဖြည့်ဆည်းရေးအစီအစဉ်များ အကောင်အထည်ဖော်နိုင်ရေး ဆောင်ရွက်လျက်ရှိရာ ရှေ့ပြေးစီမံကိန်း (Pilot project) အဖြစ် ကမ္ဘာ့ဘဏ်ချေးငွေကိုအသုံးပြု၍ မြို့နယ် (၄) မြို့နယ်( မကွေးတိုင်းဒေသကြီး စေတုတ္တရာမြို့နယ်၊ ကယားပြည်နယ် ဖားဆောင်းမြို့နယ်၊ ရခိုင်ပြည်နယ်ရှိ မင်းပြားနှင့် အမ်းမြို့နယ်များ)အတွက် တင်ဒါခေါ်ယူခဲ့ရာ မင်းပြားမြို့နယ် (Lot 3) အတွက် USD 206,272 (အမေရိကန်ဒေါ်လာ နှစ်သိန်းခြောက်ထောင်နှစ်ရာခုနှစ်ဆယ့်နှစ်) ဖြင့် မြန်မာ့ဆက်သွယ်ရေးလုပ်ငန်းနှင့် အမ်းမြို့နယ် (Lot 4) အတွက် USD 1,138,728 (အမေရိကန်ဒေါ်လာ တစ်ဆယ့်တစ်သိန်းသုံးသောင်း ရှစ်ထောင်ခုနှစ်ရာနှစ်ဆယ့်ရှစ်) ဖြင့် တယ်လီနော မြန်မာလီမိတက်တို့မှ တင်ဒါအသီးသီးအောင်မြင်ခဲ့ကြသည်။
 
transcom_1.jpg
 
ရှေ့ပြေးစီမံကိန်း အကောင်အထည်ဖော်ဆောင်ရွက်ပြီးစီးပါက ဆက်သွယ်ရေးကွန်ရက်လွှမ်းခြုံမှုရရှိရန်လိုအပ်နေသည့် မင်းပြားမြို့နယ်အတွင်းရှိ ကျေးရွာအုပ်စု (၄) ခုနှင့် အမ်းမြို့နယ်အတွင်းရှိ ကျေးရွာအုပ်စု (၃) ခု၊ စုစုပေါင်းကျေးရွာအုပ်စု (၇)ခုရှို လူဦးရေ (၈၀ %) ခန့်အား ကွန်ရက်လွှမ်းခြုံမှုရရှိနိုင်မည်ဖြစ်ကြောင်းသိရသည်။
 
 
လုပ်ငန်းများဆောင်ရွက်ရန်အတွက် တင်ဒါအောင်မြင်ခဲ့ကြသည့် မြန်မာ့ဆက်သွယ်ရေးလုပ်ငန်း၊ တယ်လီနောမြန်မာလီမိတက်တို့နှင့် ဆက်သွယ်ရေး ညွှန်ကြားမှုဦးစီးဌာနတို့၏ လုပ်ငန်းသဘောတူစာချုပ်ချုပ်ဆိုခြင်းအခမ်းအနားကို ပို့ဆောင်ရေးနှင့် ဆက်သွယ်ရေးဝန်ကြီးဌာန၊ အစည်းအဝေးခန်းမ ရုံးအမှတ် (၂) နေပြည်တော်၌ ယနေ့နံနက် (၁၁း၀၀)နာရီတွင်ပြုလုပ်ခဲ့ရာ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ အမြဲအတွင်းဝန်၊ ဆက်သွယ်ရေးညွှန်ကြားမှုဦးစီးဌာန တာဝန်ရှိသူများ၊ မြန်မာ့ဆက်သွယ်ရေးလုပ်ငန်းနှင့် တယ်လီနောမြန်မာလီမိတက်မှ တာဝန်ရှိသူများမှ တက်ရောက်ခဲ့ကြပြီး လက်မှတ်ရေးထိုးခဲ့ကြကြောင်း သိရသည်။
 
#Transcom
Read times
Rate this item
(1 Vote)