Vivo V17 Pro ရဲ့ကင်မရာအကြောင်းအဓိကရိုက်ကူးထားတဲ့ ဗီဒီယိုအွန်လိုင်းမှာထွက်ပေါ်လာခဲ့

Vivo V17 Pro မှာဘယ်လိုကင်မရာတွေပါဝင်လာမလဲဆိုတာကို အကြိုမိတ်ဆက်တဲ့ ဗီဒီယို အွန်လိုင်းမှာ စက်တင်ဘာလအစောပိုင်းက နောက်ထပ်ထွက်ရှိလာပါတယ်။
 
အဲဒီ promo video ထဲမှာ ဖုန်းထောင့် မျက်နှာပြင်အစုံကို ပြသသွားတယ်။ Vivo V17 Pro ရဲ့ ကင်မရာ features အချို့ကိုလည်း ပြသွားတာကြောင့် နောက်ကျောဘက်မှာ ကင်မရာလေးလုံး အနည်းဆုံးပါဝင်လာမယ်ဆိုတာတော့ သေချာသွားပါပြီ။ ရှေ့ဘက်က wide angle sensor ပါဝင်တဲ့ dual pop-up ကင်မရာကိုလည်း ရိုက်ပြသွား တယ်။ ဒါကြောင့်ဒီတစ်ပတ်ထဲမှာ Vivo V17 Pro ဟာ smartphone လောကရဲ့ dual-pop-up ကင်မရာ ပါဝင်လာတဲ့ ပထမဆုံးဖုန်း ဖြစ်တယ်လို့အခိုင်အမာပြောခဲ့တာပါ။
ဗီဒီယိုထဲမှာပြသွားတာကတော့ Vivo V17 Pro က အပြာနဲ့အဖြူအရောင်ပြေးလိုမျိုးရယ် အနက်ရောင်ရယ် ၂ ရောင်ရှိနိုင်တယ်။ Vivo V17Pro ရဲ့ tagline ကတော့ ‘Wider Selfie, Clearer Night’ လို့ဆိုတယ်။
 
အသစ်ထွက်လာမယ့် ဖုန်းရဲ့ dual-pop-up (32-megapixel) ultra-wide unit နဲ့ selfie ကင်မရာက ဖုန်းအလယ်တည့်တည့် ထိပ်ကနေပေါ်ထွက်လာတယ်လို့ ဗီဒီယိုမှာမြင်ရတယ်။ နောက်ဘက် Artificial Intelligence (AI) နည်းပညာအထောက်အပံ့နဲ့ 48-megapixel camera လည်းပါတယ်။ ဗီဒီယိုထဲမှာ တော့ အနောက် ကင်မရာအပြင် အရှေ့ selfie ကင်မရာနဲ့ပါ Super Night Mode feature နဲ့ရိုက်သွားတာကြောင့် Dual pop up selfie မှာ ကင်မရာတစ်လုံးက night mode selfie ကင်မရာ ဖြစ်မယ်ဆိုတာ အသေအချာပါပဲ။
 
အိန္ဒိယက Traveler NatGeo နဲ့ ပူးပေါင်းတင်ဆက်ထားတဲ့ Vivo V17Pro ရဲ့ နမူနာဓာတ်ပုံ တွေမှာလည်း #ClearAsReal ဆိုတဲ့ hashtag ပါဝင်တယ်။ ဒီဓာတ်ပုံတွေကြည့်ရတာတော့ V17 Pro ရဲ့ quad ကင်မရာက တကယ့်ကို ကောင်းမွန်တဲ့ဓာတ်ပုံတွေကို ရိုက်ကူးနိုင်မှာပါ။ ဒါဆို မကြာခင် မြန်မာနိုင်ငံမှာ ထွက်ရှိလာတော့မယ့် V17 Pro ရဲ့ ဈေးနှုန်း၊ Type C ပါဝင်လာနိုင်ခြေ ရှိမရှိ၊ ဒါတွေက အရမ်းကို စိတ်ဝင်စားစရာ ကောင်းနေပါပြီ။ ဒါပေမယ့် Vivo ကုမ္ပဏီ ဘက်ကတော့ တရားဝင် ဘာမှ မကြေညာသေးပါဘူး။
 
Read times
Rate this item
(1 Vote)