Huawei ရဲ့ MateBook X Pro ကို Microsoft Store မှဖယ်ရှား

Huawei ရဲ့ MateBook X Pro ကို Microsoft Store မှဖယ်ရှား google.com
Microsoft ရဲ့စတိုးကနေ Huawei ရဲ့ MateBook X Pro ထုတ်ကုန်ကို ဖယ်ရှားလိုက်ပါတယ်။
Microsoft ဟာ တရုတ်နည်းပညာကုမ္ပဏီတွေကို အရေးယူဖို့ သမ္မတထရမ့်ရဲ့ အမိန့်အာဏာသစ်ကို အကောင်အထည်ဖော်လိုက်တဲ့ ကုမ္ပဏီတစ်ခုဖြစ်ပါတယ်။
 
Huawei ရဲ့ MateBook X Pro ဟာ အမေရိကန်က အကောင်းဆုံး Windows laptop တွေထဲက တစ်ခုဖြစ်ပါတယ်။ ဒါပေမဲ့ Windows ခွင့်ပြုချက်လိုင်စင် မရှိရင် အဲဒီ laptop ဟာ မရှင်သန်နိုင်ပါဘူး။
 
Microsoft ရဲ့အွန်လိုင်းစတိုး စာရင်းမှာ MateBook X Pro ထူးဆန်းစွာ ပျောက်ဆုံးနေတာ ၁ ပတ်ကျော်ရှိပါပြီ။ ပြီးခဲ့တဲ့အပတ်ရဲ့ Google Cache အတွင်းမှာ MateBook X Pro ကိုတွေ့ရှိနိုင်ပါသေးတယ်။ Microsoft အနေနဲ့ လက်ကျန် MateBook X Pro laptop တွေကို ဆက်လက်ရောင်းချနေသေးတယ်လို့ The Verge က ဖော်ပြခဲ့ပါတယ်။
 
Microsoft က Huawei အပေါ် Windows ပိုင်းနဲ့ပတ်သက်ပြီး ပိတ်ပင်လိုက်ရင် Huawei ရဲ့ဆာဗာကိစ္စကို ထိခိုက်နိုင်ပါတယ်။ Microsoft နဲ့ Huawei တို့ဟာ Microsoft ခွင့်ပြုချက်ရထားတဲ့ Huawei ဆာဗာတွေကို အသုံးပြုပြီး Microsoft ရဲ့ Azure stack အတွက် hybrid cloud အပိုင်းကို လုပ်ကိုင်နေပါတယ်။
 
Intel နဲ့ Qualcomm တို့အနေနဲ့ အမေရိကန်အစိုးရ အမိန့်ကို လိုက်နာဖို့ ကျန်ပါသေးတယ်။ Huawei အနေနဲ့ ကိုယ်ပိုင် စမတ်ဖုန်း ပရိုဆက်ဆာတွေနဲ့ modem တွေကို ဖွံ့ဖြိုးတိုးတက်အောင် လုပ်ကိုင်နေစဉ်မှာ Intel က Huawei laptop တွေအတွက် ဆာဗာချစ်ပ်တွေနဲ့ ပရိုဆက်ဆာတွေကို ထောက်ပံ့ခဲ့ပါတယ်။ Huawei မှာ ချစ်ပ်တွေ များစွာရှိနေတဲ့အတွက် ပိတ်ပင်မှုကို ၃ လအထိ ကြံ့ကြံ့ခံနိုင်တယ်လို့ သတင်းက ဖော်ပြခဲ့ပါတယ်။
 
Huawei အနေနဲ့ နှစ်အနည်းငယ်အတွင်း Windows နဲ့ Android အစားထိုးမှုကို လုပ်ကိုင်နေပေမယ့် operating system တွေကို ဘယ်လောက်ဖွံ့ဖြိုးတိုးတက်အောင် ပြုလုပ်ထားတယ်ဆိုတာ မသိသေးပါဘူး။
 
 
Internet Journal
Read 122 times
Rate this item
(1 Vote)