SIM ကဒ်များ မဖြစ်မနေ မှတ်ပုံတင်စေခြင်းသည် အရေးကြီးသည်

SIM ကဒ်များကို မှတ်ပုံတင်ရန် သို့မဟုတ် ပြန်လည်မှတ်ပုံတင်ရန် နောက်ဆုံးရက်အဖြစ်

သတ်မှတ်ထားသောရက်သို့ ရောက်ခါနီးနေပြီဖြစ်သည်။

ပို့ဆောင်ရေးနှင့် ဆက်သွယ်ရေး ဝန်ကြီးဌာန (MOTC) မှ ထုတ်ပြန်ကြေငြာချက်အရ SIM ကဒ်များကို သုံးစွဲသူများသည် ၎င်းတို့၏ ဆင်းမ်ကဒ်များကို ဇွန်လ ၃၀ ရက်နေ့ နောက်ဆုံးထားပြီး မှတ်ပုံတင်ရန် သို့မဟုတ် ပြန်လည်မှတ်ပုံတင်ရန် သတိပေးခဲ့သည်။ မှတ်ပုံတင်ထားခြင်းမရှိသောဆင်းမ်ကတ်များကို ပိတ်ထားလိမ့်မည်ဖြစ်သည်။

အခြားသော နိုင်ငံများနည်းတူ ဖေဖော်ဝါရီလတွင် စတင်ခဲ့သည့်မှတ်ပုံတင်ခြင်း သို့မဟုတ်ပြန်လည်မှတ်ပုံတင်ခြင်းအတွက် အကြောင်းပြချက်မှာ မိုဘိုင်းငွေကြေးဝန်ဆောင်မှုများ၏ လုံခြုံရေးကိုကာကွယ်ရန်၊ ဖုန်းနှင့် ဆက်စပ်သောရာဇဝတ်မှုများမှ ကာကွယ်ရန်နှင့် မှားယွင်းစွာမှတ်ပုံတင်ထားသော ဆင်းမ်ကဒ်များကို ရှင်းလင်းပစ်ရန်ဖြစ်သည်။

ကြီးမားသောပြဿနာတစ်ခုမှာ SIM ကတ် ရောင်းသူများစွာတို့သည် SIM ကတ်များကို ကြိုတင်စာရင်းသွင်း မှတ်ပုံတင်ထားခြင်း ဖြစ်သည်။ သို့ဖြစ်ရာ မှတ်ပုံတင်အမည်ပေါက်နှင့် အမှန်တကယ် သုံးစွဲသူ ကွဲလွဲနေပြီး တခြားစီ ဖြစ်နေခြင်း ဖြစ်သည်။ ထို့ကြောင့် နိုင်ငံသားမှတ်ပုံတင်ကဒ်ပြား တစ်ခုစီအတွက် အော်ပရေတာတစ်ဦးလျှင် နိုင်ငံသားမှတ်ပုံတင်ကတ်ပြား တစ်ခုအတွက်
SIM ကဒ် ၂ ခုကို သတ်မှတ်ထားပြီး မှတ်ပုံတင်ခြင်းမရှိသေးသော SIM ကတ်များနှင့် နှစ်ခုထက်မပိုရသော သတ်မျတ်ချက်နှင့် ငြိစွန်းနေသော SIM ကတ်များကို ပိတ်သိမ်းရန် စီစဉ်ဆောင်ရွက်နေသည်။

မာလာဝီနိုင်ငံ
=====
လွန်ခဲ့သော ၂ နှစ်ခန့်က မာလာဝီသည် SIM ကတ်အတွက် ပြဌာန်းထားသော စည်းမျဉ်းစည်းကမ်းများကို ၂၀၁၈ ခုနှစ် ဇူလိုင်လမှစ၍ SIM ကဒ်သစ်များအတွက် စတင်သက်ရောက်ခဲ့ပြီး ရာဇဝတ်မှုများကို တားဆီးနိုင်ရန် ဖြစ်သည်။

ဇမ်ဘီယာနိုင်ငံ
===
ယခုနှစ်ဖေဖော်ဝါရီလတွင် နိုင်ငံပိုင်အော်ပရေတာဖြစ်သော Zambia Telecommunications Company (Zamtel) သည် မိုဘိုင်းဖုန်းအသုံးပြုသူမှတ်ပုံတင်ခြင်းဆိုင်ရာ စည်းမျဉ်းသစ်များအား စတင်လုပ်ဆောင်ခဲ့သည်။

တရုတ်နိုင်ငံ
===
ပြီးခဲ့သည့်နှစ်နှောင်းပိုင်းက တရုတ်နိုင်ငံသည် SIM ကတ် မှတ်ပုံတင်ခြင်းအတွက် မျက်နှာအသိအမှတ်ပြုနည်းပညာကို မဖြစ်မနေအသုံးပြုခဲ့သည်။ SIM ကတ် ဝယ်ယူသူသည် မျက်နှာကို ဖုန်းမှ ကင်မရာဖြင့် ဓာတ်ပုံရိုက်ပြီး ပေးရသည်။

ဗီယက်နမ်နိုင်ငံ
====
ယခုဇွန်လ အစောပိုင်းက ဗီယက်နမ်အော်ပရေတာ Mobifone, Vietnamobile, Viettel နှင့် Vinaphone တို့၏ သုံးစွဲသူများတွင် မှားယွင်းသော အချက်အလက်များကို အသုံးပြု၍ မှတ်ပုံတင်ခြင်းအတွက် ဒဏ်ငွေချမှတ်ခဲ့သည်။

မှတ်ပုံတင်ထားခြင်း မရှိသော SIM ကတ်များကို လိုင်းပိတ်သိမ်းပစ်ခြင်းကြောင့် အော်ပရေတာများအဖို့ ဝင်ငွေ ရရှိမှုအပေါ် အနည်းနှင့် အများ ထိခိုက်စေပါသည်။

ဖေဖော်ဝါရီလတွင် ယူအေအီးမှ အော်ပရေတာ Du က ထုတ်ပြန်သည့် ကြေညာချက်တွင် သုံးစွဲနေသူဦးရေ သိသိသာသာ လျော့ကျသွားခဲ့ပြီး ယင်းသို့ ဖြစ်ရသည်မှာ မှတ်ပုံတင်ရန် ပျက်ကွက်နေသည့် SIM ကတ်များကို လိုင်းပိတ်သိမ်းလိုက်ခြင်းကြောင့် ဖြစ်သည်ဟု ဖော်ပြထားသည်။

Read times
Rate this item
(0 votes)