အမုန်းစကားများကိုတားဆီးပေးမယ့် Instagram ရဲ့ AI လုပ်ဆောင်ချက်အသစ်

အမုန်းစကားများကိုတားဆီးပေးမယ့် Instagram ရဲ့ AI လုပ်ဆောင်ချက်အသစ် google.com
Instagram က သူ့ရဲ့ ပလက်ဖောင်းမှာ အမုန်းစကားများ၊ ဝေဖန်တိုက်ခိုက်မှုများကို ကာကွယ်ပေးမယ့် လုပ်ဆောင်ချက် အသစ်နှစ်ခုကို ကြေညာလိုက်ပါတယ်။
Facebook က ပိုင်ဆိုင်တဲ့ Instagram ဟာ ပို့စ်များကို Block လုပ်ခြင်း၊ User များကို Ban ခြင်းများလို ပြင်းပြင်းထန်ထန် မပြုလုပ်ဘဲ အမူအကျင့်များကို ပြင်ဆင်အောင် ပြုလုပ်ပေးချင်တာ ဖြစ်ပါတယ်။
 
Instagram ရဲ့ အကြီးအကဲ ဖြစ်သူ Adam Mosseri က “ Instagram မှာ အမုန်းစကားများ၊ ဝေဖန်တိုက်ခိုက်မှုများကို ကာကွယ်ဖို့ ပိုမိုလုပ်ဆောင်ချင်ပါတယ်။ ဝေဖန်တိုက်ခိုက်တာကို ခံနေရသူများအတွက် အားပေးချင်ပါတယ်။ အခုဖန်တီးပေးလိုက်တဲ့ လုပ်ဆောင်ချက်များက လူတွေ တစ်ယောက်နဲ့ တစ်ယောက် ဘယ်လို ဝေဖန်တိုက်ခိုက်သလဲဆိုတာနဲ့ ဝေဖန်တိုက်ခိုက်တာတွေကို ဘယ်လို တုန့်ပြန်ကြသလဲ ဆိုတာများကို သိနားလည်ပါတယ်။ ဒါပေမယ့် ဒါဟာ လုပ်ဆောင်ချက် နှစ်ခုပဲ ရှိပါသေးတယ်။ အများကြီးလုပ်ဖို့ ကျန်ပါသေးတယ်။ “ လို့ ပြောပါတယ်။
 
အဲဒီ လုပ်ဆောင်ချက်များကို ဥာဏ်ရည်တု နည်းပညာဖြင့် ဖန်တီးထားတာ ဖြစ်ပါတယ်။ Restrict အမည်ရ လုပ်ဆောင်ချက်က သင့်ကို ဝေဖန်တိုက်ခိုက်တဲ့ လူ သို့မဟုတ် သင့်ကို အမုန်းစကားများ ပြောနေသူများကို သတ်မှတ်နိုင်ပါတယ်။ လူတစ်ဦးကို Restrict စာရင်းထဲ ထည့်လိုက်ရင် သူ ရေးတဲ့ ကွန်းမန့်များကို သူကသာ မြင်ရမှာဖြစ်ပြီး အခြား User များက မြင်ရမှာ မဟုတ်ပါဘူး။ အခြား User များ မြင်ရတာ၊ မမြင်ရတာကိုလည်း သူ မသိပါဘူး။ သူပေးပို့တဲ့ Message များကို သင်ကြည့်ပြီးတာကိုလည်း သူက သိမှာ မဟုတ်ပါဘူး။ သင် အွန်လိုင်းမှာ ရှိနေတာကိုလည်း သူ မသိပါဘူး။
 
နောက်ထပ် လုပ်ဆောင်ချက် တစ်ခုက AI Recommendation ဖြစ်ပါတယ်။ AI က အမုန်းစကားများ၊ ဝေဖန်တိုက်ခိုက်တဲ့ စကားများကို သိနားလည်ပါတယ်။ User တစ်ဦးက အမုန်းစကားများ၊ ဝေဖန်တိုက်ခိုက်တဲ့ စကားများကို မန့်တဲ့ အခါမှာ App က သူ့ရဲ့ အမုန်းစကား ကွန်းမန့်နဲ့ ပတ်သက်ပြီး ပြန်လည် သုံးသပ်ဖို့ ပြောမှာပါ။ သင့်ရဲ့ စာသားများဟာ အခြား User များက အမုန်းစကားလို့ တိုင်ကြားထားတဲ့ စာသားများနဲ့ တူနေတယ်လို့ သတိပေးမှာ ဖြစ်ပါတယ်။
 
လူမှုကွန်ရက်များမှာ အမုန်းစကားများကြောင့် ကိုယ့်ကိုကိုယ် သတ်သေမှုများ၊ အကြမ်းဖက်မှုများ ဖြစ်ပေါ်နေပါတယ်။ အဲဒီအတွက် နိုင်ငံ အစိုးရများက လူမှုကွန်ရက်များကို ထိန်းချုပ်ဖို့ ကြိုးစားနေကြပါတယ်။
 
Digital Times
Read times
Rate this item
(1 Vote)