စမတ်ဖုန်းသုံးတိုင်း မျက်စိကို ကာကွယ်မှုဖြစ်စေမယ့် အသုံးပြု နည်း ၄ မျိုး

စမတ်ဖုန်းသုံးတိုင်း မျက်စိကို ကာကွယ်မှုဖြစ်စေမယ့် အသုံးပြု နည်း ၄ မျိုး google.com

စမတ်ဖုန်းမြင်ကွင်းသေးသေးနဲ့ အချိန်ကြာကြာ အသုံးပြုမှုက ရေရှည်မှာ မျက်စိကို ထိခိုက်စေနိုင်ပါတယ်။

နေ့စဉ်နေထိုင်မှုဘဝမှာ စမတ်ဖုန်းကလည်း မရှိမဖြစ်အရေးပါတဲ့ အရာတစ်ခုဖြစ် လာတဲ့အတွက် စမတ်ဖုန်းသုံးတဲ့သူတိုင်း မိမိရဲ့မျက်စိကို ထိခိုက်မှုနည်းစေနိုင်မယ့် နည်းလမ်းတွေကို ဖော်ပြပေးလိုက်ပါတယ်။

(၁) Anti-Glare Screen Protector ကို အသုံးပြုပါ
အခုနောက်ပိုင်း Mid-range နဲ့ High-end စမတ်ဖုန်းတွေမှာ anti-glare screen ကပ်တွေ တစ်ပါတည်းကပ်ပြီး ထုတ်လုပ်လာကြပါတယ်။ မိမိဖုန်းမှာအဲလိုမျိုးမပါ ဘူးဆိုရင်တော့ ဖုန်းမှာကပ်ပြီး အသုံးပြုသင့်ပါတယ်။ Anti-glare screen protector တွေက ဈေးလည်းမကြီးသလို သူတို့တွေက ဖုန်းမြင်ကွင်းကနေထွက်တဲ့ အပြာရောင်အလင်း blue light ကို အဓိကလျော့ချပေးတာဖြစ်တဲ့အတွက် မျက်စိကို ထိခိုက်မှုကို လျော့နည်းစေနိုင်မှာဖြစ်ပါတယ်။

အဲလိုမှမဟုတ်ရင်တော့ ခုနောက်ပိုင်းဖုန်းတွေမှာပါဝင်တဲ့ Bluelight Filter စနစ်တွေကို မိမိဖုန်းသုံးတိုင်းမှာ အသုံးပြုသင့်ပါတယ်။ မိမိဖုန်းမှာ အဲလိုမျိုးစနစ်တွေ မပါဝင်ဘူးဆိုရင်တော့ Third party app ဖြစ်တဲ့ Bluelight Filter for Eye Care ဆိုတဲ့ App တွေကို App Store တွေကနေ Download လုပ်ပြီး အသုံးပြုနိုင်ပါတယ်။

(၂) မျက်တောင်မကြာခဏ ခတ်ပေးပါ။ (ဖြစ်နိုင်ရင်မျက်စိကို ရေနဲ့ပတ်ပြီး ဆေးပေးပါ)
နောက်ထပ်နည်းလမ်းတစ်ခုက ဖုန်းအသုံးပြုတိုင်းမှာ မျက်တောင်မကြာခဏ ခတ်ပေးပါ။ အဲလိုမျိုးလုပ်ပေးတာကလည်း မျက်စိကို ထိခိုက်မှုလျော့နည်းစေပါတယ်။ မျက်တောင်ခတ်တာက Desktop ကွန်ပျူတာပဲသုံးသုံး၊ Laptop ပဲသုံးသုံး၊ Tablet PC ပဲ သုံးသုံး လုပ်ပေးသင့်တဲ့ အလေ့အကျင့်တစ်ခုပဲဖြစ်ပါတယ်။

Screen ကို မျက်တောင်မခတ်ပဲ စူးစိုက်ကြည့်တာက မျက်စိကို ခြောက်သွေ့စေပါတယ်။ အဲ့ဒါကြောင့် မျက်တောင်ခတ်ပေးခြင်းအားဖြင့် သဘာဝအတိုင်းမျက်စိအတွင်း မျက်ကြည်ရည်ခြောက်ခမ်းမှုကို ကာကွယ်နိုင်ပါတယ်။ မျက်တောင်ခတ် ပေးခြင်းအားဖြင့်လည်း စမတ်ဖုန်း Screen တွေက ထွက်တဲ့ ဓာတ်ရောင်ခြည်တွေရဲ့ ထိခိုက်မှုကိုလည်း လျော့ချနိုင် မှာဖြစ်ပါတယ်။

(၃) ၂ဝ/၂ဝ/၂ဝ စည်းမျဉ်းကို လိုက်နာပါ
လူ့မျက်လုံးက အနီးကပ်အကွာအဝေးကို အချိန်ကြာကြာစူး စိုက်မကြည့်နိုင်ပါဘူး။ ပုံမှန်အားဖြင့် လူ့မျက်လုံးက အနီးနဲ့ အဝေးကို စက္ကန့်၊ မိနစ်အပိုင်းအခြားအား ဖြင့်မြင်နိုင်အောင် လုပ်ဆောင်ပေးတာ ဖြစ်ပါတယ်။ အဲဒါကြောင့် မိမိအနေနဲ့ အနီးကပ်ပဲ စာအုပ်ဖတ်တာ၊ ဖုန်းသုံးတာမျိုးမှာ အကွာအဝေးတစ်ခုတည်းပေါ်မှာ အချိန်နာရီနဲ့အမျှ ကြာကြာကြည့်ရှုမှုက မျက်လုံးရဲ့ သဘာဝဖြစ်စဉ်နဲ့ ကိုက်ညီမှု မရှိနိုင်ပါဘူး။

အဲဒါကြောင့် စမတ်ဖုန်းသုံး သူတွေအနေနဲ့ ၂ဝ/၂ဝ/၂ဝ စည်းမျဉ်းကို ဖုန်းသုံးတိုင်းမှာလိုက်နာ အသုံးပြုသင့်ပါတယ်။ ဒီစည်းမျဉ်းက ဘယ်လိုမျိုးလည်းဆိုတော့ မိမိအနေနဲ့ မိနစ် ၂ဝ ကြာအသုံးပြု ပြီးတိုင်း ပေ ၂ဝ အကွာအဝေးကို အနည်းဆုံး စက္ကန့် ၂ဝ ကြာ ငေးမောကြည့်ရှုကာ Screen ကြည့်ရှုမှုကို လျော့ချသင့်ပါတယ်။ နောက်တစ်ခုက ကိုယ်ကလေ့ကျင့်ခန်း လုပ်ရတာမျိုး သဘောကျရင်တော့ ခဏတဖြုတ်ပြုလုပ်နိုင်တဲ့ လေ့ကျင့်ခန်းလေးတွေကို စက္ကန့် ၂ဝ ကြာလောက် ပြုလုပ်ပေးခြင်းအားဖြင့်လည်း မျက်စိအတွက် သာမကဘဲ ခန္ဓာကိုယ်အတွက်ပါ ကောင်းမွန်စေမှာဖြစ်ပါတယ်။

(၄) Brightness, Contrast နဲ့ စာလုံးအရွယ်အစားတွေကို ချိန်ညှိပါ
မိမိဖုန်းမှာ အသုံးပြုတိုင်း Brightness, Contrast နဲ့ စာလုံး အရွယ်အစားတွေကို ပတ်ဝန်းကျင် အလင်းအမှောင်အနေ အထားပေါ် မူတည်ပြီး ချိန်ညှိအသုံးပြုသင့်ပါတယ်။ ဖုန်းမြင်ကွင်း အလင်း Brightness နဲ့ contract အလျော့ အတင်းပြုလုပ်ပြီးသုံးတာက မျက်စိကို ထိခိုက်မှုကို ကာကွယ်နိုင်ပါတယ်။ အဲလိုမျိုးချိန်ညှိသုံးဖို့ဖုန်းက အလိုအလျောက်ချိန်ညှိပေးတဲ့ စနစ်နဲ့ Third party app တွေကို အသုံးပြုနိုင်ပါတယ်။ Android အတွက်ရော iPhone အတွက်ပါ Brightness နဲ့ Contrast ကို အလိုအလျောက်ချိန်ညှိပေးတဲ့ app တွေများစွာရှိပါတယ်။

ပတ်ဝန်းကျင်အလင်းအားနည်းတဲ့ မှောင်တဲ့နေရာမျိုးမှာ ဖုန်း Screen ကို အချိန်ကြာကြာကြည့်တာမျိုးကို ရှောင်ရှားသင့်သလို အမှောင်ထဲမှာ ဖုန်းသုံးတာမျိုးကိုလည်း မလုပ်သင့်ပါဘူး။ ဖုန်းထဲက စာလုံးအရွယ်အစားတွေကိုတော့ ကြီးကြီးထားသင့်ပါတယ်။ အဲလိုထားတာက တစ်ခုခုရှာရင် အလွယ်တကူတွေ့နိုင်တဲ့အတွက် ဖုန်းကိုစူးစိုက်ကြည့်မှုကို လျှော့ချနိုင်သလို ဖုန်းကိုအနီးကပ်ကြည့်ရှု အသုံးပြုရမှုကိုလည်း လျှော့ချနိုင်မှာဖြစ်ပါတယ်။

Credit : ရဲထွဋ်ဝင်း

Myanmar ICT Guide

Read times
Rate this item
(1 Vote)