လူသိနည်းတဲ့ Google Play Store ရဲ့ အသုံးဝင် Tips များ

လူသိနည်းတဲ့ Google Play Store ရဲ့ အသုံးဝင် Tips များ google.com
Android Device များမှာ မရှိမဖြစ် အသုံးပြုနေကြရတာကတော့ Google Play Store ဖြစ်ပါတယ်။
Play Store ကနေ သင်နှစ်သက်တဲ့ Apps များကို အင်စတောလုပ်နိုင်ပါတယ်။ အခြား Apps Store များ ရှိပေမယ့် Play Store က သူ့ထံမှ Apps များမှာ Virus , Malware များ ပါ၊ မပါ အမြဲ စစ်ဆေးပေးနေတဲ့အတွက် စိတ်ချရပါတယ်။ အဲဒီအတွက် သင့်ရဲ့ စမတ်ဖုန်း ၊ တက်ဘလက်များမှာ Play Store ကိုသာ အသုံးပြုသင့်ပါတယ်။ ဒီ Tutorial မှာတော့ Play Store ကို ကျွမ်းကျင်စွာ အသုံးပြုနိုင်မယ့် Tips & Tricks များကို ဖော်ပြပေးလိုက်ပါတယ်။
 
သင့်နိုင်ငံအတွက် မရတဲ့ Apps များကို အင်စတောလုပ်ပါ
 
သင့်နိုင်ငံအတွက် မရတဲ့ Apps များကို Virtual Private Network (VPN) Apps များ အသုံးပြု၍ အင်စတောလုပ်နိုင်ပါတယ်။ အဲဒီ Apps များက သင်နေထိုင်တဲ့ နိုင်ငံကို အမေရိကန်လို အခြားနိုင်ငံများအဖြစ် Play Store က သိအောင်လှည့်စားပေးပါတယ်။ VPN App တစ်ခုကို သင့်ဖုန်းမှာ အင်စတောလုပ်ပြီး ဖွင့်ပါ။ သင့်နိုင်ငံ မဟုတ်တဲ့ အခြားနိုင်ငံတစ်ခုကို ရွေးချယ်ပါ။ ပြီးရင်တော့ Play Store ကို ဖွင့်ရင် သင့်နိုင်ငံအတွက် မရတဲ့ Apps များကို အင်စတောလုပ်နိုင်ပါပြီ။
 
သင့်ရဲ့ Apps များကို စီမံခန့်ခွဲပါ 
 
Play Store ရဲ့ ဘယ်ဘက်အပေါ်ထိပ်မှ Menu ကို နှိပ်ပါ။ Apps & Games ကဏ္ဍအောက်မှ My apps & games ထဲသွားပါ။ အဲဒီမှာ သင် အင်စတောလုပ်ထားတဲ့ Apps များကို မြင်ရမှာပါ။ အဲဒီကနေ Apps များကို Update ပြုလုပ်ခြင်း၊ Uninstall ပြုလုပ်ခြင်းများကို လုပ်ဆောင်နိုင်ပါတယ်။ အပေါ်ထိပ်မှ All ကဏ္ဍထဲသွားရင် သင်အရင်က အင်စတောလုပ်ထားတဲ့ Apps များကိုလည်း မြင်ရမှာ ဖြစ်ပါတယ်။ အဲဒီ Apps များကို ပြန်လည် အင်စတောလုပ်နိုင်သလို ကြက်ခြေခတ်ခလုတ်ကို နှိပ်ရင် အဲဒီ စာရင်းကနေ ပယ်ဖျက်ပေးမှာဖြစ်ပါတယ်။
 
Parental Lock ကို သုံးပါ
 
သင့်ကလေးက Play Store ကနေ အခကြေးငွေပေးပြီး ၀ယ်ရတဲ့ Apps များနဲ့ မသင့်တော်တဲ့ Apps များကို အင်စတောလုပ်မှာကို စိုးရိမ်ရင် Parental Lock ကို သုံးနိုင်ပါတယ်။ Play Store ကိုဖွင့်ပြီး Menu ထဲသွားပါ။ Settings ကို ၀င်ပါ။ Parental controls ကို နှိပ်ပြီး Slider ကို On ပြောင်းပေးပါ။ ပြီးရင် PIN Code သတ်မှတ်ပေးပါ။ အဲဒီနောက်မှာ ကလေးအား အင်စတောလုပ်လို့ မရစေချင်တဲ့ Apps များကို သတ်မှတ်ပေးပါ။ ကလေးက အဲဒီ Apps များကို အင်စတောလုပ်တာနဲ့ PIN Code ကို တောင်းမှာ ဖြစ်ပါတယ်။
 
Play Store မှာ ပြန်အမ်းငွေ ရယူပါ
 
Play Store မှာ အခကြေးငွေဖြင့် ၀ယ်ယူထားတဲ့ Apps များကို ၂ နာရီ စမ်းသပ်အသုံးပြုနိုင်ပါတယ်။ စမ်းသပ် အသုံးပြုပြီးလို့ မနှစ်သက်ရင် ၂ နာရီအတွင်း ငွေပြန်တောင်းယူနိုင်ပါတယ်။ သင် ၀ယ်ယူထားတဲ့ App ရဲ့ စာမျက်နှာကို သွားပါ။ Install , Open အပြင် Refund Button ကို တွေ့ရမှာ ဖြစ်ပါတယ်။ Refund ကို နှိပ်ရင် သင်ဝယ်ယူထားတဲ့ ငွေကို ပြန်အမ်းပေးမှာပါ။
 
Digital Times
Read 193 times
Rate this item
(2 votes)